Raoul de Godewarsvelde L’Carette à Quiens Paroles

Bonne gins qui véyaient triste mine, acoutez ch’l’effrayant malheur

Depuis ch’matin on m’assassine, in torture min pauf’ petit coeur

J’avos eune quienne appelée Finette, que j’aimos comme min propre infant

Elle vient d’ête inlevée par l’carrette, r’vétiez comme ch’est point désolant

Ah ! Plaignez Finette, elle est dins l’carrette

Ils l’ont collée ches cabots, ches vauriens, dins cheule carrette à quiens

Elle sortot justemint d’euss’caisse, quind ils l’ont pris ch’est émouvant

Même avec euss’tchiête dins cheule laisse, il simblot qu’elle criot « Môman ! »

J’ai eu bieau réclamé toute suite, pour réponse un méchant blanc biec

M’a crié : « Décampez bien vite, ou j’vous mets dins l’carrette avec ! »

Ah ! Plaignez Finette, elle est dins l’carrette

Ils l’ont collée ches cabots, ches vauriens, dins cheule carrette à quiens

Quind j’allos pour faire min p’tit somme, elle minquot jamais d’faire comme mi

Je l’aimos grind min, bien mieux qu’eune matronne, elle étot plus aimable pour mi

À l’quinzaine si j’faisos bobosse, faut vous dire que j’sus l’roi des gréveux

J’étos prêt à me prindre euns tosse, Finette sautot eune termes ou deux

Ah ! Plaignez Finette, elle est dins l’carrette

Ils l’ont collée ches cabots, ches vauriens, dins cheule carrette à quiens

Malheureusemint j’eun’suis pas riche, mais pour avoir min p’tit trésor

Je donneros bien jusqu’à m’quemiche, car m’in passer cha s’rot ma mort

Mes bonnes gins pour avoir Finette, cha coûte querre et j’ai pas l’moyen

Pour faire eune petite quête et j’vous aimerai autint qu’min quien

Ah ! Plaignez Finette, elle est dins l’carrette

Ils l’ont collée ches cabots, ches vauriens, dins cheule carrette à quiens